Am faod a h-uile duine mygaelic.com a chleachdadh?

Faodaidh. Ach feumaidh tu a bhith 12 bliadhna a dh’aois no nas sine. Faodaidh daoine a tha fileanta ann an Gàidhlig, daoine a tha ag ionnsachadh no daoine aig nach eil Gàidhlig mygaelic.com a chleachdadh. Tha trì dòighean coimhead air an làrach-lìn (website): ann am Beurla, ann an Gàidhlig no mar a tha thu a’ coimhead air an-dràsta: ann an Gàidhlig shìmplidh. Dìreach cleachd am putan aig mullach na duilleige airson cànan a thaghadh.

A bheil e furasta dol air ais do Bheurla no Gàidhlig shìmplidh, ma thèid mi don taobh Gàidhlig den làrach-lìn?

Faodaidh tu bruthadh air Language Selector aig mullach na duilleige uair sam bith gus Beurla no Gàidhlig shìmplidh a thaghadh.

Ma tha a’ Ghàidhlig shìmplidh ro dhoirbh dhomh uaireannan, am feum mi Beurla an làrach-lìn air fad a chur air ais gu Beurla?

Chan fheum. Tha taic cànain ann far a bheil na roghainnean cànain (language choices) aig mullach na duilleige. Cuir an cursair (cursor) air ‘taic cànain’ agus chì thu tòrr den làrach ann am Beurla a-rithist airson greiseag bheag, agus seo gad chuideachadh ma tha thu air chall.

Carson a bhiodh duine ag iarraidh cunntas mygaelic.com?

Gheibh thu clàr-aithne (profile) nuair a gheibh thu cunntas mygaelic.com. Anns a’ chlàr-aithne agad faodaidh tu dealbh dhìot fhèin, no dealbh eile a chur ann. Agus faodaidh tu beagan fiosrachaidh mu do dheidhinn fhèin a chur anns a’ chlàr-aithne agad cuideachd, agus faodaidh tu innse do dhaoine dè do chor. Nuair a tha cunntas agad, faodaidh tu iarraidh air caraidean a bhith nam buill (members) de mygaelic.com, agus faodaidh tu iarraidh air daoine eile aig a bheil cunntas a bhith na c(h)araid dhut.

Càite a bheil mi a’ clàradh (registering) airson cunntas?

Chì thu sgrìobhte aig mullach na duilleige, air a làimh dheis: ‘Clàraich’. Put seo agus thèid thu gu duilleig far am faigh thu stiùireadh air mar a tha thu a’ clàradh. Feumaidh tu ainm-cleachdaidh (username) agus facal-faire (password) a chur a-steach, agus bidh sinn ag iarraidh ort an seòladh post-d agus fiosrachadh eile a chur a-steach. Ma tha thu nas sine na 12, ach nas òige na 16, feumaidh tu iarraidh air do phàrant no neach-gleidhidh (guardian) foirm-ceadachaidh (consent form) a lìonadh. Chan fhaod duine sam bith fo 12 cunntas fhaighinn air mygaelic.com.

Dè tha mi a’ dèanamh an uair sin?

Gheibh thu post-d bho mygaelic.com, anns a’ phost-d seo gheibh thu:

Ceangal (a link) a bheir thu chun an làraich-lìn gus an seòladh post-d agad a dhearbhadh (validate) Facal-faire airson logadh a-steach.* *Faodaidh tu am facal-faire seo atharrachadh gu rudeigin eile nuair a tha thu air an cunntas agad a dhearbhadh.

Ann urrainn dhomh clàradh ann an Gàidhlig agus Beurla?

’S urrainn dhut clàradh ann am Beurla no Gàidhlig. Ma tha thu a’ coimhead air an làrach-lìn ann an Gàidhlig, bidh thu a’ clàradh ann an Gàidhlig. Ma tha thu a’ coimhead air an làrach-lìn ann am Beurla, bidh thu a’ clàradh ann am Beurla. Agus ma tha thu a’ coimhead air an làrach-lìn ann an Gàidhlig shìmplidh, bidh thu a’ clàradh ann am Beurla, oir bidh e nas fhasa na faclan teicnigeach a thuigsinn ann am Beurla.

Am bi fhios aig daoine dè an cànan a tha mi a’ cleachdadh air mo dhuilleig sa chunntas agam?

Nuair a tha thu a’ clàradh, bidh sinn ag iarraidh ort cur a-steach dè an cànan a tha thu a’ cleachdadh. An uair sin bidh fhios aig daoine gu bheil thu a’ cleachdadh Beurla, Gàidhlig no Gàidhlig shìmplidh.

Dè as urrainn dhomh a dhèanamh nuair a tha cunntas agam?

’S urrainn dhut: • Caraidean ùra a lorg; • Taga (tag) a chur ri rudan a chì thu air an làrach-lìn, pìosan bhon làrach-lìn a chur ris na rudan as fheàrr leat, beachdan a thoirt seachad air rudan a chì thu air an làrach-lìn; • Brathan (messages) a chur agus brathan fhaighinn bho charaidean; • Na sgrìobhaidhean no òrain, no bàrdachd agad fhèin a chur suas air an làrach-lìn, agus faodaidh daoine eile a tha nam buill de mygaelic.com coimhead air an stuth agad agus beachdan a thoirt seachad air;* *Cuimhnich, gun toir neach-measaidh (moderator) sùil air a h-uile rud mus tèid a chur suas air an làrach-lìn. • Buidheann a chruthachadh, agus faodaidh tu fiosrachadh a chur gu daoine a tha anns a’ bhuidheann agad; • Fiosrachadh mu thachartasan (events) a chur ann am mìosachan (calendar) leis a’ bhuidheann agad, agus bidh na tachartasan aig a’ bhuidheann agad a’ nochdadh ann am mìosachan airson an làraich-lìn air fad; • Naidheachdan a chur suas agus còmhraidhean a thòiseachadh anns a’ bhuidheann agad.

Ciamar a tha mi a’ cruthachadh (creating) buidheann?

Log a-steach agus tagh ‘mo bhuidhnean’ anns a’ chunntas agad. Chì thu an roghainn (choice) seo air a’ bhàr-stiùiridh (navigation bar) aig mullach na duilleige agad. Air a làimh dheis, chì thu na faclan, ‘cruthaich buidheann ùr’. Bruth air seo agus chì thu duilleag far am bi sinn ag iarraidh ort fiosrachadh a chur a-steach.

Am faod a h-uile duine a bhith anns a’ bhuidheann agad?

Nuair a tha thu a’ cruthachadh buidheann, faodaidh tu am buidheann fhàgail fosgailte don a h-uile duine, no faodaidh tu buidheann prìobhaideach a chruthachadh. Tha bogsa ann far am faod thu seo a thaghadh nuair a tha thu a’ cruthachadh buidheann.

Ciamar a tha mi a’ cur pìos susbaint (content) suas?

Log a-steach, agus theirig chun na duilleige, ‘ an stuth agam’. Faodaidh tu susbaint a chur suas an seo. Mus fhaic thu an t-susbaint agad air an làrach-lìn, feumaidh neach-measaidh sùil a thoirt air. Tha seo a’ tachairt nuair a tha thu a’ bruthadh air ‘submit’. Bidh an neach-measaidh a’ dèanamh cinnteach gu bheil an t-susbaint agad freagarrach agus nach eil droch chainnt (profanities) ann.