A bheil caraid agad a tha ag iarraidh Gàidhlig ionnsachadh? A bheil thu fhèin a’ lorg cùrsa ann an Gàidhlig? Mas e ’s gu bheil, cha ghann na cothroman. Tha cothroman ann do leanabain òga blasad Gàidhlig fhaighinn, tha cothroman sa bhun-sgoil agus san àrd-sgoil. Tha cothroman ann le clasaichean agus buidhnean a tha a’ coinneachadh tron latha agus air an oidhche, tha cothroman ann le cùrsaichean aig colaistean agus ionadan eile, tha cothroman ann aig astar agus air-loidhne. Ma tha duine ag iarraidh Gàidhlig ionnsachadh, chan urrainn dhaibh a ràdh nach eil cothrom aca! Agus chan e a-mhàin gun tog iad cànan ùr, cuiridh iad eòlas air cultar ùr. Cultar a tha beairteach, brìoghmhor agus gun chrìochan.